厄爾尼洛

2011-12-16
作品

諗到個故仔...
有個宅男算幾聰明, 但成日係屋企自閉, 畢業之後因為係專業行業無耐人工20k, 日日食公司d 生果當早餐, 午餐係雪櫃拎d 野淥個面, 晚餐又係咁, 一個月儲成16k, 咁佢一年之後買左個套間, 放左租, 到第二年又重覆一次, 到第三年公司正諗住幫佢升一級果陣, 人工25k, 但洗費仲係4k, 晚黑果餐仲周不時比ot 津貼埋, 租金仲升到可以比突佢3k 一個月, 佢儲唔夠半年又供一層, 而自己就仲係住緊係大學果陣申請ge 單身老人公屋度, 皆因d 租已經幫佢慳埋水費管理費維修費同埋乜費物費, 之前幾舊水, 而家比緊3倍租都仲係非常超值, 死都唔搬走, 慢慢覺得d 錢好似無咩用, 打左幾年風流工, 日日上網睇動漫, 最後覺得人生好無聊, 錢又無乜用咁就心心急急咁去左青馬大橋見閰王。去到閰王度, 閰王問佢, 你廿幾歲人就已經財務自由, 做乜要死? 佢就話: 我都唔知, 覺得無聊咪想搵d 刺激d ge 野做lo... 閰王又問啦: 你無理想ge 咩? 唔想住大屋咩? 唔想做老細咩? 唔想玩女人咩? 個宅男就話: 睇透啦, 玩咩都係咁, 又唔覺得試完有咩咁過癮, 過眼雲煙。閰王話: 人生本來就係咁虛幻, 你想點? 佢答: 刺激d 囉! 閰王又講啦: 比乜野刺激野你都覺得過眼雲煙架啦, 不過見你生前都算係富貴之人, 咁啦, 有個官位空左, 叫厄爾尼洛, 專責幫人間諗刺激野。佢答應左, 之後地球大地震, 大海潚每半年就一獲, 搞到d 成個地球動盪不安, 再無任何野可以創造到穩定ge 被動收入。